ਭਾਰਤ-ਅਮਰੀਕੀ ਸੈਨਿਕਾਂ ਵਲੋਂ ਅਸਲ ਕੰਟਰੋਲ ਰੇਖਾ ਨੇੜੇ ਅਭਿਆਸ ਸਮਝੌਤਿਆਂ ਦੇ ਵਿਰੁੱਧ-ਚੀਨ

ਭਾਰਤ-ਅਮਰੀਕੀ ਸੈਨਿਕਾਂ ਵਲੋਂ ਅਸਲ ਕੰਟਰੋਲ ਰੇਖਾ ਨੇੜੇ ਅਭਿਆਸ ਸਮਝੌਤਿਆਂ ਦੇ ਵਿਰੁੱਧ-ਚੀਨ

ਭਾਰਤ-ਅਮਰੀਕੀ ਸੈਨਿਕਾਂ ਵਲੋਂ ਅਸਲ ਕੰਟਰੋਲ ਰੇਖਾ ਨੇੜੇ ਅਭਿਆਸ ਸਮਝੌਤਿਆਂ ਦੇ ਵਿਰੁੱਧ-ਚੀਨ
ਬੀਜਿੰਗ-ਚੀਨ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਸ ਨੇ ਅਸਲ ਕੰਟਰੋਲ ਰੇਖਾ ਨੇੜੇ ਹੋ ਰਹੇ ਸਾਂਝੇ ਭਾਰਤ-ਅਮਰੀਕਾ ਸੈਨਿਕ ਅਭਿਆਸ ਦਾ ਵਿਰੋਧ ਕਰਦਾ ਹੈ ਅਤੇ ਜ਼ੋਰ ਦੇ ਕੇ ਕਿਹਾ ਕਿ ਇਹ ਨਵੀਂ ਦਿੱਲੀ ਅਤੇ ਬੀਜਿੰਗ ਦਰਮਿਆਨ ਹੋਏ ਦੋ ਸਰਹੱਦੀ ਸਮਝੌਤਿਆਂ ਦੀ ਭਾਵਨਾ ਦੀ ਉਲੰਘਣਾ ਹੈ | 18ਵਾਂ ਭਾਰਤ-ਅਮਰੀਕਾ ਸਾਂਝਾ ਜੰਗੀ ਅਭਿਆਸ 'ਯੁੱਧ ਅਭਿਆਸ' ਇਸ ਸਮੇਂ ਉਤਰਾਖੰਡ 'ਚ ਚੱਲ ਰਿਹਾ ਹੈ | ਇਸ ਦਾ ਉਦੇਸ਼ ਸ਼ਾਂਤੀ ਸਥਾਪਨਾ ਅਤੇ ਆਫਤ ਕਾਰਜਾਂ 'ਚ ਦੋਵੇਂ ਸੈਨਾਵਾਂ ਦਰਮਿਆਨ ਅੰਤਰ ਕਾਰਜਸ਼ੀਲਤਾ ਨੂੰ ਵਧਾਉਣਾ ਤੇ ਮੁਹਾਰਤ ਨੂੰ ਸਾਂਝਾ ਕਰਨਾ ਹੈ | ਕਰੀਬ ਦੋ ਹਫ਼ਤਿਆਂ ਦਾ ਜੰਗੀ ਅਭਿਆਸ ਇਸੇ ਮਹੀਨੇ ਦੇ ਸ਼ੁਰੂ 'ਚ ਆਰੰਭ ਹੋਇਆ | ਚੀਨ ਦੇ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਝਾਓ ਲਿਜਿਆਨ ਨੇ ਮੀਡੀਆ ਨੂੰ ਦੱਸਿਆ ਕਿ ਚੀਨ-ਭਾਰਤ ਸਰਹੱਦ 'ਤੇ ਅਸਲ ਕੰਟਰੋਲ ਰੇਖਾ ਨੇੜੇ ਭਾਰਤ ਅਤੇ ਅਮਰੀਕਾ ਦਰਮਿਆਨ ਸਾਂਝਾ ਸੈਨਿਕ ਅਭਿਆਸ ਚੀਨ ਅਤੇ ਭਾਰਤ ਵਿਚਕਾਰ 1993 ਅਤੇ 1996 ਵਿਚ ਹੋਏ ਸਮਝੌਤਿਆਂ ਦੀ ਭਾਵਨਾ ਦੀ ਉਲੰਘਣਾ ਹੈ |