(WPL) ਦੇ ਪਹਿਲੇ ਸੀਜ਼ਨ ਦਾ ਅੱਜ ਹੋਵੇਗਾ ਆਗਾਜ਼

(WPL) ਦੇ ਪਹਿਲੇ ਸੀਜ਼ਨ ਦਾ ਅੱਜ ਹੋਵੇਗਾ ਆਗਾਜ਼

ਚੰਡੀਗੜ੍ਹ, : ਮਹਿਲਾ ਪ੍ਰੀਮੀਅਰ ਲੀਗ (WPL) ਦਾ ਪਹਿਲਾ ਸੀਜ਼ਨ ਅੱਜ ਤੋਂ ਸ਼ੁਰੂ ਹੋ ਰਿਹਾ ਹੈ। ਪਹਿਲਾ ਮੈਚ ਮੁੰਬਈ ਦੇ ਡੀਵਾਈ ਪਾਟਿਲ ਸਟੇਡੀਅਮ ‘ਚ ਸ਼ਾਮ 7:30 ਵਜੇ ਤੋਂ ਮੁੰਬਈ ਇੰਡੀਅਨਜ਼ ਅਤੇ ਗੁਜਰਾਤ ਜਾਇੰਟਸ ਵਿਚਾਲੇ ਖੇਡਿਆ ਜਾਵੇਗਾ। ਇਸ ਤੋਂ ਪਹਿਲਾਂ ਸ਼ਾਮ 5:30 ਵਜੇ ਤੋਂ ਡੀਵਾਈ ਪਾਟਿਲ ਸਟੇਡੀਅਮ ਵਿੱਚ ਉਦਘਾਟਨੀ ਸਮਾਰੋਹ ਵੀ ਸ਼ੁਰੂ ਹੋਵੇਗਾ। ਉਦਘਾਟਨੀ ਸਮਾਰੋਹ ‘ਚ ਬਾਲੀਵੁੱਡ ਦੇ ਕਈ ਸਿਤਾਰੇ ਪਰਫਾਰਮ ਕਰਦੇ ਨਜ਼ਰ ਆਉਣਗੇ। ਗੌਰਤਲਬ ਹੈ ਕਿ ਇਹ WPL ਦਾ ਪਹਿਲਾ ਸੀਜ਼ਨ ਹੈ। ਸੀਜ਼ਨ ਦੇ ਪਹਿਲੇ ਮੈਚ ਤੋਂ ਪਹਿਲਾਂ ਕਰੀਬ ਡੇਢ ਘੰਟੇ ਦਾ ਉਦਘਾਟਨੀ ਸਮਾਰੋਹ ਹੋਵੇਗਾ। ਇਹ ਸਮਾਰੋਹ ਸ਼ਾਮ 5:30 ਵਜੇ ਸ਼ੁਰੂ ਹੋਵੇਗਾ, ਇਸ ‘ਚ ਬਾਲੀਵੁੱਡ ਅਭਿਨੇਤਰੀਆਂ ਕ੍ਰਿਤੀ ਸੈਨਨ ਅਤੇ ਕਿਆਰਾ ਅਡਵਾਨੀ ਪਰਫਾਰਮ ਕਰਦੀਆਂ ਨਜ਼ਰ ਆਉਣਗੀਆਂ। ਹਿੱਪ-ਹੋਪ ਗਾਇਕ ਏਪੀ ਢਿੱਲੋਂ ਵੀ ਪੇਸ਼ਕਾਰੀ ਕਰਨਗੇ। ਇਸ ਤੋਂ ਇਲਾਵਾ ਸ਼ੰਕਰ ਮਹਾਦੇਵਨ, ਹਰਸ਼ਦੀਪ ਕੌਰ ਅਤੇ ਨੀਤੀ ਮੋਹਨ ਸਮੇਤ 6 ਗਾਇਕ ਉਦਘਾਟਨੀ ਸਮਾਰੋਹ ਪੇਸ਼ਕਾਰੀ ਦੇਣਗੇ। ਇਸ ਤੋਂ ਪਹਿਲਾਂ ਮੁਕਾਬਲਾ ਮੁੰਬਈ ਦੇ ਡੀਵਾਈ ਪਾਟਿਲ ਸਟੇਡੀਅਮ ‘ਚ ਗੁਜਰਾਤ ਜਾਇੰਟਸ ਅਤੇ ਮੁੰਬਈ ਇੰਡੀਅਨਜ਼ ਵਿਚਾਲੇ ਖੇਡਿਆ ਜਾਵੇਗਾ।ਸ਼ਾਮ 7 ਵਜੇ ਟਾਸ ਤੋਂ ਅੱਧੇ ਘੰਟੇ ਬਾਅਦ ਸ਼ਾਮ 7:30 ਵਜੇ ਮੈਚ ਦੀ ਪਹਿਲੀ ਗੇਂਦ ਸੁੱਟੀ ਜਾਵੇਗੀ। ਮੁੰਬਈ ਦੀ ਕਪਤਾਨੀ ਹਰਮਨਪ੍ਰੀਤ ਕੌਰ ਕਰੇਗੀ ਜਦਕਿ ਬੇਥ ਮੂਨੀ ਗੁਜਰਾਤ ਦੀ ਕਪਤਾਨੀ ਕਰਨਗੇ।

ਟੀਮਾਂ ਦੇ ਸੰਭਾਵਿਤ ਪਲੇਇੰਗ-11

ਮੁੰਬਈ ਇੰਡੀਅਨਜ਼: ਹਰਮਨਪ੍ਰੀਤ ਕੌਰ (ਸੀ), ਯਸਤਿਕਾ ਭਾਟੀਆ (ਵਿ.), ਹੇਲੀ ਮੈਥਿਊਜ਼/ਕਲੋਏ ਟਰਾਇਓਨ, ਅਮੇਲੀਆ ਕੇਰ, ਹੀਥਰ ਗ੍ਰਾਹਮ, ਨਟਾਲੀ ਸੇਵਰ ਬਰੰਟ, ਪੂਜਾ ਵਸਤਰਕਾਰ, ਅਮਨਜੋਤ ਕੌਰ, ਸਾਈਕਾ ਇਸ਼ਾਕਾ, ਨੀਲਮ ਬਿਸ਼ਟ ਅਤੇ ਸੋਨਮ ਯਾਦਵ।

ਗੁਜਰਾਤ ਜਾਇੰਟਸ: ਬੇਥ ਮੂਨੀ (ਸੀ), ਸੋਫੀਆ ਡੰਕਲੇ, ਕਿਮ ਗਰਥ/ਐਨਾਬੇਲ ਸਦਰਲੈਂਡ, ਹਰਲੀਨ ਦਿਓਲ, ਐਸ਼ਲੇ ਗਾਰਡਨਰ, ਸੁਸ਼ਮਾ ਵਰਮਾ (ਡਬਲਯੂ.ਕੇ.), ਤਨੁਜਾ ਕੰਵਰ, ਸਨੇਹ ਰਾਣਾ, ਮਾਨਸੀ ਜੋਸ਼ੀ, ਮੋਨਿਕਾ ਪਟੇਲ ਅਤੇ ਦਿਆਲਨ ਹੇਮਲਤਾ।

ਦੱਸ ਦਈਏ ਕਿ ਇਸ 23 ਦਿਨਾਂ ਲੀਗ ਵਿੱਚ 5 ਟੀਮਾਂ 20 ਲੀਗ ਅਤੇ ਦੋ ਨਾਕਆਊਟ ਮੈਚ ਖੇਡਣਗੀਆਂ। ਮੁਕਾਬਲੇ ਦੇ ਸਾਰੇ 22 ਮੈਚ ਮੁੰਬਈ ਦੇ ਡੀਵਾਈ ਪਾਟਿਲ ਅਤੇ ਬ੍ਰੇਬੋਰਨ ਸਟੇਡੀਅਮ ਵਿੱਚ ਖੇਡੇ ਜਾਣਗੇ। ਮਹਿਲਾ ਪ੍ਰੀਮੀਅਰ ਲੀਗ (WPL) ਦੇ ਪਹਿਲੇ ਸੀਜ਼ਨ ਵਿੱਚ 5 ਟੀਮਾਂ ਖੇਡਦੀਆਂ ਨਜ਼ਰ ਆਉਣਗੀਆਂ। ਇਨ੍ਹਾਂ ਵਿੱਚ ਦਿੱਲੀ ਕੈਪੀਟਲਜ਼ (DC), ਮੁੰਬਈ ਇੰਡੀਅਨਜ਼ (MI), ਰਾਇਲ ਚੈਲੇਂਜਰਜ਼ ਬੈਂਗਲੁਰੂ (RCB), ਗੁਜਰਾਤ ਜਾਇੰਟਸ (GG) ਅਤੇ UP ਵਾਰੀਅਰਜ਼ (UPW) ਸ਼ਾਮਲ ਹਨ। ਮੇਗ ਲੈਨਿੰਗ ਦਿੱਲੀ ਦੀ ਕਪਤਾਨ ਹੈ। ਜਦਕਿ ਮੁੰਬਈ -ਹਰਮਨਪ੍ਰੀਤ ਕੌਰ, ਬੈਂਗਲੁਰੂ -ਸਮ੍ਰਿਤੀ ਮੰਧਾਨਾ, ਗੁਜਰਾਤ -ਬੈਥ ਮੂਨੀ ਅਤੇ ਯੂਪੀ -ਐਲੀਸਾ ਹੀਲੀ ਹਨ। ਇਸ ਤਰ੍ਹਾਂ 3 ਟੀਮਾਂ ਦੀ ਕਮਾਨ ਆਸਟ੍ਰੇਲੀਆਈ ਖਿਡਾਰਨਾਂ ਕੋਲ ਹੈ, ਜਦਕਿ 2 ਟੀਮਾਂ ਦੀ ਕਮਾਂਡ ਭਾਰਤੀ ਮੁਟਿਆਰਾਂ ਸੰਭਾਲਣਗੀਆਂ।

ad