ਵਿਕਾਸਸ਼ੀਲ ਮੁਲਕਾਂ ’ਤੇ ਗ੍ਰੀਨਹਾਊਸ ਗੈਸਾਂ ਦਾ ਬੋਝ ਪਾਉਣਾ ਧੱਕਾ: ਭਾਰਤ -
ਵਿਕਾਸਸ਼ੀਲ ਮੁਲਕਾਂ ’ਤੇ ਗ੍ਰੀਨਹਾਊਸ ਗੈਸਾਂ ਦਾ ਬੋਝ ਪਾਉਣਾ ਧੱਕਾ: ਭਾਰਤ -
ਵਿਕਾਸਸ਼ੀਲ ਮੁਲਕਾਂ ’ਤੇ ਗ੍ਰੀਨਹਾਊਸ ਗੈਸਾਂ ਦਾ ਬੋਝ ਪਾਉਣਾ ਧੱਕਾ: ਭਾਰਤ ਵਾਤਾਵਰਨ ਮੰਤਰੀ ਭੁਪੇਂਦਰ ਯਾਦਵ ਨੇ ‘ਕੋਪ 31’ ਵਿੱਚ ਭਾਰਤ ਦਾ ਪੱਖ ਰੱਖਿਆ; ਆਲਮੀ ਤਪਸ਼ ਨੂੰ ਸਨਅਤੀਕਰਨ ਤੇ ਕੁਝ ਮੁਲਕਾਂ ਦੇ ਆਰਥਿਕ ਵਿਕਾਸ ਦਾ ਨਤੀਜਾ ਦੱਸਿਆ ਜੰਗਲਾਤ ਅਤੇ ਜਲਵਾਯੂ ਤਬਦੀਲੀ ਮੰਤਰੀ ਭੁਪੇਂਦਰ ਯਾਦਵ ਅੰਤਾਲਿਆ ਵਿੱਚ ਕਾਨਫਰੰਸ ਦੌਰਾਨ ਬਿਆਨ ਪੇਸ਼ ਕਰਦੇ ਹੋਏ। -ਫੋਟੋ: ਏਐੱਨਆਈ ਭਾਰਤ ਨੇ ਅੱਜ ਕੋਪ 31 ਵਿੱਚ ਬਰਾਬਰੀ ’ਤੇ ਆਧਾਰਿਤ ਵਿਸ਼ਵਵਿਆਪੀ ਜਲਵਾਯੂ ਕਾਰਵਾਈ ਦਾ ਸੱਦਾ ਦਿੰਦਿਆਂ ਕਿਹਾ ਕਿ ਵਿਕਾਸਸ਼ੀਲ ਮੁਲਕਾਂ ਉੱਤੇ ਗ੍ਰੀਨਹਾਊਸ ਗੈਸਾਂ ਦੇ ਨਿਕਾਸ ਦਾ ਬੋਝ ਪਾਉਣਾ ਧੱਕਾ ਹੈ। ਇੱਥੇ ਸੰਯੁਕਤ ਰਾਸ਼ਟਰ ਜਲਵਾਯੂ ਤਬਦੀਲੀ ਸੰਮੇਲਨ (ਕੋਪ 31) ਵਿੱਚ ਭਾਰਤ ਦਾ ਪੱਖ ਰੱਖਦਿਆਂ ਕੇਂਦਰੀ ਵਾਤਾਵਰਨ ਮੰਤਰੀ ਭੁਪੇਂਦਰ ਯਾਦਵ ਨੇ ਕਿਹਾ ਕਿ ਆਲਮੀ ਤਪਸ਼ ਦੋ ਸਦੀਆਂ ਦੇ ਸਨਅਤੀਕਰਨ ਅਤੇ ਕੁਝ ਮੁਲਕਾਂ ਵਿੱਚ ਹੋਏ ਆਰਥਿਕ ਵਿਕਾਸ ਦਾ ਨਤੀਜਾ ਹੈ, ਜਿਸ ਨੂੰ ਬੇਰੋਕ ਨਿਕਾਸ ਨੇ ਹੋਰ ਹਵਾ ਦਿੱਤੀ ਹੈ। ਯਾਦਵ ਨੇ ਕਿਹਾ ਕਿ ਵਿਕਾਸਸ਼ੀਲ ਮੁਲਕਾਂ ਨੂੰ ਜਲਵਾਯੂ ਕਾਰਵਾਈ ਅਤੇ ਵਿਕਾਸ, ਜੀਵਨ ਦੇ ਉਚਿਤ ਮਿਆਰਾਂ, ਸਿਹਤ ਅਤੇ ਸਿੱਖਿਆ ਦੇ ਉਨ੍ਹਾਂ ਦੇ ਜਾਇਜ਼ ਅਧਿਕਾਰਾਂ ਵਿੱਚੋਂ ਕਿਸੇ ਇੱਕ ਦੀ ਚੋਣ ਕਰਨ ਲਈ ਨਹੀਂ ਕਿਹਾ ਜਾ ਸਕਦਾ। ਉਨ੍ਹਾਂ ਜ਼ੋਰ ਦੇ ਕੇ ਆਖਿਆ ਕਿ ਬਾਕੀ ਬਚੇ ‘ਕਾਰਬਨ ਬਜਟ’ ਤੱਕ ਇਕੋ ਜਿਹੀ ਰਸਾਈ ਹੋਣੀ ਲਾਜ਼ਮੀ ਹੈ, ਜਿਸ ’ਤੇ ਕੋਈ ਸਮਝੌਤਾ ਨਹੀਂ ਕੀਤਾ ਜਾ ਸਕਦਾ। ਉਨ੍ਹਾਂ ਕਿਹਾ, ‘‘ਕੋਪ ਦੇ ਫੈਸਲੇ ਅਤੇ ਉਨ੍ਹਾਂ ਨੂੰ ਲਾਗੂ ਕਰਨਾ, ਨਿਰਪੱਖਤਾ ਅਤੇ ਸਾਂਝੀਆਂ ਪਰ ਵੱਖੋ-ਵੱਖਰੀਆਂ ਜ਼ਿੰਮੇਵਾਰੀਆਂ ਅਤੇ ਸਬੰਧਤ ਸਮਰੱਥਾਵਾਂ ਦੇ ਸਿਧਾਂਤਾਂ (ਸੀ ਬੀ ਡੀ ਆਰ-ਆਰ ਸੀ) ’ਤੇ ਆਧਾਰਿਤ ਹੋਣੇ ਚਾਹੀਦੇ ਹਨ।’’ ਇਕਪਾਸੜ ਵਪਾਰਕ ਉਪਾਅ ਵੱਲ ਇਸ਼ਾਰਾ ਕਰਦਿਆਂ ਯਾਦਵ ਨੇ ਕਿਹਾ ਕਿ ਜਲਵਾਯੂ ਕਾਰਵਾਈ ਦੀ ਆੜ ਵਿੱਚ ਵਿਕਾਸਸ਼ੀਲ ਮੁਲਕਾਂ ਨੂੰ ਸਜ਼ਾ ਦਿੱਤੀ ਜਾ ਰਹੀ ਹੈ। ਉਨ੍ਹਾਂ ਵਿਕਸਤ ਮੁਲਕਾਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੀਆਂ ਜਲਵਾਯੂ ਵਿੱਤ ਸਬੰਧੀ ਜ਼ਿੰਮੇਵਾਰੀਆਂ ਨੂੰ ‘ਇਮਾਨਦਾਰੀ ਅਤੇ ਤੇਜ਼ੀ ਨਾਲ’ ਪੂਰਾ ਕਰਨ। ਛੋਟੇ ਟਾਪੂ ਮੁਲਕਾਂ ਵੱਲੋਂ ‘ਠੋਸ ਕਾਰਵਾਈ’ ਦੀ ਮੰਗ ਅੰਤਾਲਿਆ: ਸੰਯੁਕਤ ਰਾਸ਼ਟਰ ਜਲਵਾਯੂ ਵਾਰਤਾ ਦੌਰਾਨ ਛੋਟੇ ਟਾਪੂ ਮੁਲਕਾਂ ਨੇ ‘ਵਧੇਰੇ ਠੋਸ’ ਕਾਰਵਾਈ ਦੀ ਮੰਗ ਕੀਤੀ ਹੈ। ਟੌਂਗਾ ਦੇ ਪ੍ਰਧਾਨ ਮੰਤਰੀ ਫਾਤਾਫੇਹੀ ਫਾਕਾਫਾਨੁਆ ਨੇ ਇੰਟਰਵਿਊ ਦੌਰਾਨ ਕਿਹਾ, ‘‘ਸਾਨੂੰ ਹੋਰ ਅਧਿਐਨਾਂ ਦੀ ਲੋੜ ਨਹੀਂ ਹੈ। ਸਾਨੂੰ ਹੋਰ ਗੱਲਬਾਤ ਦੀ ਲੋੜ ਨਹੀਂ ਹੈ। ਸਾਨੂੰ ਸਿਰਫ ਹੋਰ ਕਾਰਵਾਈ ਦੀ ਲੋੜ ਹੈ।’’ ਇਸੇ ਤਰ੍ਹਾਂ ਹੋਰ ਟਾਪੂਨੁਮਾ ਮੁਲਕਾਂ ਨੇ ਮੰਗ ਕੀਤੀ ਅਮੀਰ ਅਤੇ ਵਧੇਰੇ ਪ੍ਰਦੂਸ਼ਣ ਫੈਲਾਉਣ ਵਾਲੇ ਦੇਸ਼ ਉਨ੍ਹਾਂ ਨੂੰ ਜਲਵਾਯੂ ਤਬਦੀਲੀ ਅਨੁਸਾਰ ਢਲਣ, ਇਸ ਦੇ ਮਾੜੇ ਪ੍ਰਭਾਵਾਂ ਨੂੰ ਘਟਾਉਣ ਅਤੇ ਜਲਵਾਯੂ ਕਾਰਨ ਆਈਆਂ ਤਬਾਹੀਆਂ ਤੋਂ ਉਭਰਨ ਲਈ ਆਰਥਿਕ ਮਦਦ ਦੇਣ। -ਏਪੀ
.jpg)
.jpg)




.jpg)
.jpg)
.jpg)



.jpg)
.jpg)

.jpg)
.jpg)
