ਇਜ਼ਰਾਇਲੀ ਹਮਲੇ ’ਚ ਹਮਾਸ ਕਮਾਂਡਰ ਹਲਾਕ -
ਇਜ਼ਰਾਇਲੀ ਹਮਲੇ ’ਚ ਹਮਾਸ ਕਮਾਂਡਰ ਹਲਾਕ -
ਹਮਾਸ ਨੇ ਸਮੀਰ ਮਹਿਮੂਦ ਹਸਨ ਅਬੂ ਯੂਨਿਸ ਦੇ ਮਾਰੇ ਜਾਣ ਦੀ ਪੁਸ਼ਟੀ ਕੀਤੀ ਇਜ਼ਰਾਇਲੀ ਹਮਲੇ ’ਚ ਮਾਰੇ ਗਏ ਹਮਾਸ ਦੇ ਕਮਾਂਡਰ ਸਮੀਰ ਅਬੂ ਯੂਨਿਸ ਦਾ ਜਨਾਜ਼ਾ ਲਿਜਾਂਦੇ ਹੋਏ ਲੋਕ। ਇਜ਼ਰਾਇਲੀ ਸੁਰੱਖਿਆ ਬਲਾਂ ਨੇ ਦੱਖਣੀ ਗਾਜ਼ਾ ਵਿੱਚ ਰਾਤ ਭਰ ਕੀਤੇ ਹਵਾਈ ਹਮਲਿਆਂ ਵਿੱਚ ਹਮਾਸ ਅਤਿਵਾਦੀ ਗਰੁੱਪ ਦੇ ਚੋਟੀ ਦੇ ਕਮਾਂਡਰ ਨੂੰ ਮਾਰ ਮੁਕਾਇਆ ਹੈ। ਇਜ਼ਰਾਈਲ ਵੱਲੋਂ ਅੱਜ ਇਹ ਜਾਣਕਾਰੀ ਦਿੱਤੀ ਗਈ। ਦੂਜੇ ਪਾਸੇ ਹਮਾਸ ਨੇ ਬਿਆਨ ਵਿੱਚ ਗਰੁੱਪ ਦੀ ਰਾਫ਼ਾਹ ਬ੍ਰਿਗੇਡ ਦੇ ਕਮਾਂਡਰ ਸਮੀਰ ਮਹਿਮੂਦ ਹਸਨ ਅਬੂ ਯੂਨਿਸ ਦੇ ਮਾਰੇ ਜਾਣ ਦੀ ਪੁਸ਼ਟੀ ਕੀਤੀ ਹੈ। ਇਜ਼ਰਾਇਲੀ ਸੈਨਾ ਨੇ ਦੱਸਿਆ ਕਿ ਸ਼ਨਿਚਰਵਾਰ ਅੱਧੀ ਰਾਤ ਮਗਰੋਂ ਕੀਤੇ ਹਮਲੇ ’ਚ ਅਬੂ ਯੂਨਿਸ ਮਾਰਿਆ ਗਿਆ। ਫ਼ੌਜ ਮੁਤਾਬਕ ਉਹ ਹਮਾਸ ਨੂੰ ਮਜ਼ਬੂਤ ਕਰਨ ਅਤੇ ਦਹਿਸ਼ਤੀ ਹਮਲਿਆਂ ਨੂੰ ਅੰਜਾਮ ਦੇਣ ਦੀਆਂ ਯੋਜਨਾਵਾਂ ਲਈ ਹਦਾਇਤਾਂ ਦੇਣ ਦਾ ਕੰਮ ਕਰ ਰਿਹਾ ਸੀ। ਦੋ ਮਹੀਨੇ ਪਹਿਲਾਂ ਵੀ ਉਸ ਵੇਲੇ ਇਹ ਜ਼ਿੰਮੇਵਾਰੀ ਸੰਭਾਲ ਰਹੇ ਵਿਅਕਤੀ ਨੂੰ ਇਜ਼ਰਾਇਲੀ ਹਮਲਿਆਂ ਵਿੱਚ ਹਲਾਕ ਕਰ ਦਿੱਤਾ ਗਿਆ ਸੀ। ਫ਼ੌਜ ਨੇ ਦੱਸਿਆ ਅੱਜ ਵੀ ਹਮਲੇ ਵਿੱਚ ਉਸ ਨੇ ਹਮਾਸ ਦੇ ਹੋਰ ਦਹਿਸ਼ਤਗਰਦਾਂ ਨੂੰ ਨਿਸ਼ਾਨਾ ਬਣਾਇਆ ਪਰ ਤਫ਼ਸੀਲ ’ਚ ਜਾਣਕਾਰੀ ਨਹੀਂ ਦਿੱਤੀ ਇਰਾਨ ਵੱਲੋਂ ਬਹਿਰੀਨ ’ਚ ਹਮਲੇ ਦਾ ਦਾਅਵਾ ਇਰਾਨ ਦੇ ਰੈਵੂਲਿਊਸ਼ਨਰੀ ਗਾਰਡ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੇ ਬਹਿਰੀਨ ਵਿੱਚ ਅਮਰੀਕੀ ਹੈਲੀਕਾਪਟਰ ਬੇਸ ’ਤੇ ਰਾਡਾਰ ਪ੍ਰਣਾਲੀ ਨੂੰ ਨਿਸ਼ਾਨਾ ਬਣਾਇਆ ਹੈ। ਸਰਕਾਰੀ ਖ਼ਬਰ ਏਜੰਸੀ ਇਰਨਾ ਨੇ ਇਹ ਜਾਣਕਾਰੀ ਦਿੱਤੀ। ਦੂਜੇ ਪਾਸੇ ਅਮਰੀਕੀ ਫ਼ੌਜ ਦੀ ਕੇਂਦਰੀ ਕਮਾਨ ਵੱਲੋਂ ਇਸ ਦਾਅਵੇ ’ਤੇ ਤੁਰੰਤ ਕੋਈ ਟਿੱਪਣੀ ਨਹੀਂ ਕੀਤੀ ਗਈ। ਇਹ ਘਟਨਾਕ੍ਰਮ ਉਦੋਂ ਹੋਇਆ ਜਦੋਂ ਸ਼ੁੱਕਰਵਾਰ ਨੂੰ ਕੇਂਦਰੀ ਕਮਾਨ ਸੈਂਟਕੌਮ ਨੇ ਦੱਸਿਆ ਕਿ ਉਸ ਨੇ ਬਹਿਰੀਨ ਵੱਲੋਂ ਆਏ ਇਰਾਨ ਦੇ ਦੋ ਡਰੋਨਾਂ ਨੂੰ ਨਕਾਰਾ ਕਰ ਦਿੱਤਾ। ਸੈਂਟਕੌਮ ਨੇ ਇਰਾਨ ਵੱਲੋਂ ਅਮਰੀਕੀ ਅਗਾਊਂ ਚਿਤਾਵਨੀ ਪ੍ਰਣਾਲੀ ’ਤੇ ਹਮਲੇ ਦੇ ਦਾਅਵੇ ਨੂੰ ਵੀ ਖ਼ਾਰਜ ਕਰ ਦਿੱਤਾ ਹੈ। ਜੌਰਡਨ ’ਚ ਚਰਚ ’ਤੇ ਹਮਲੇ ’ਚ ਮਾਮਲੇ ਤਿੰਨ ਨੂੰ ਮੌਤ ਦੀ ਸਜ਼ਾ ਜੌਰਡਨ ਦੀ ਸਟੇਟ ਸਿਕਿਉਰਿਟੀ ਕੋਰਟ ਨੇ ਅੱਜ ਤਿੰਨ ਜਣਿਆਂ ਨੂੰ ਮੌਤ ਦੀ ਸਜ਼ਾ ਸੁਣਾਈ ਹੈ। ਸਰਕਾਰੀ ਟੀ ਵੀ ਚੈਨਲ ‘ਅਲ ਮਮਲਕਾ’ ਨੇ ਇਹ ਜਾਣਕਾਰੀ ਦਿੱਤੀ। ਉਕਤ ਤਿੰਨਾਂ ਜਣਿਆਂ ’ਤੇ 23 ਅਕਤੂਬਰ ਨੂੰ ਕਰਕ ਸ਼ਹਿਰ ਦੀ ਯੂਨਾਨੀ ਔਰਥੋਡੌਕਸ ਚਰਚ ’ਚ ਗੋਲੀਬਾਰੀ ਕਰਨ ਦਾ ਦੋਸ਼ ਸੀ। ਸੇਂਟ ਜੌਰਜ ਚਰਚ ’ਤੇ ਹਮਲੇ ’ਚ 9 ਜਣੇ ਮਾਰੇ ਗਏ ਸਨ ਅਤੇ ਦਰਜਨਾਂ ਹੋਰ ਜ਼ਖ਼ਮੀ ਹੋ ਗਏ ਸਨ। ਇਨ੍ਹਾਂ ’ਤੇ ਦਹਿਸ਼ਤੀ ਸਰਗਰਮੀਆਂ ਨੂੰ ਅੰਜਾਮ ਦੇਣ ਦਾ ਦੋਸ਼ ਲਾਇਆ ਗਿਆ ਸੀ। ਅਧਿਕਾਰੀਆਂ ਮੁਤਾਬਕ ਦੋਸ਼ੀ ਕਰਾਰ ਦਿੱਤੇ ਗਏ ਤਿੰਨ ਜਣਿਆਂ ’ਚ ਦੋ ਭਰਾ ਤੇ ਉਨ੍ਹਾਂ ਦਾ ਜੀਜਾ ਸ਼ਾਮਲ ਹਨ।

.jpg)
.jpg)



.jpg)
.jpg)
.jpg)



.jpg)
.jpg)

.jpg)
.jpg)
