ਅਮਰੀਕਾ ’ਚ ਲਗਾਤਾਰ ਤੀਜੇ ਦਿਨ ਹਵਾਈ ਸੇਵਾਵਾਂ ਪ੍ਰਭਾਵਿਤ -
ਅਮਰੀਕਾ ’ਚ ਲਗਾਤਾਰ ਤੀਜੇ ਦਿਨ ਹਵਾਈ ਸੇਵਾਵਾਂ ਪ੍ਰਭਾਵਿਤ -
ਅਮਰੀਕਾ ਵਿੱਚ ਹਵਾਈ ਸਫ਼ਰ ਸਬੰਧੀ ਵਿਘਨ ਲਗਾਤਾਰ ਤੀਜੇ ਦਿਨ ਵੀ ਜਾਰੀ ਰਿਹਾ ਅਤੇ ਐਤਵਾਰ ਨੂੰ 10,000 ਤੋਂ ਵੱਧ ਉਡਾਣਾਂ ਪ੍ਰਭਾਵਿਤ ਹੋਈਆਂ। ਹਾਲਾਂਕਿ, ਅਮਰੀਕੀ ਆਵਾਜਾਈ ਮੰਤਰੀ ਸੀਨ ਡਫੀ ਨੇ ਸੋਮਵਾਰ ਯਾਨੀ ਅੱਜ ਤੱਕ ਹਵਾਈ ਸੇਵਾਵਾਂ ਪੂਰੀ ਤਰ੍ਹਾਂ ਆਮ ਵਾਂਗ ਹੋਣ ਦੀ ਉਮੀਦ ਜਤਾਈ ਹੈ, ਭਾਵੇਂ ਕਿ ਦੇਸ਼ ਵਿਆਪੀ ‘ਗਰਾਊਂਡ ਸਟਾਪ’ (ਉਡਾਣਾਂ ’ਤੇ ਰੋਕ) ਤੋਂ ਬਾਅਦ ਏਅਰਲਾਈਨਾਂ ਮੁੜ ਸਮਾਂ-ਸਾਰਣੀ ਲੀਹ ’ਤੇ ਲਿਆਉਣ ਲਈ ਜੱਦੋ-ਜਹਿਦ ਕਰ ਰਹੀਆਂ ਹਨ। ਬਾਜ਼ੀ ਅੰਕੜਿਆਂ ਵਾਲੀ ਵੈੱਬਸਾਈਟ ‘ਫਲਾਈਟ ਅਵੇਅਰ’ ਨੁਸਾਰ ਐਤਵਾਰ ਨੂੰ ਦੇਸ਼ ਭਰ ਵਿੱਚ 2,300 ਤੋਂ ਵੱਧ ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ ਅਤੇ ਕਰੀਬ 7,700 ਉਡਾਣਾਂ ਦੇਰੀ ਨਾਲ ਚੱਲੀਆਂ। ਇਸ ਤੋਂ ਪਹਿਲਾਂ ਸ਼ਨੀਵਾਰ ਨੂੰ ਏਅਰਲਾਈਨਾਂ ਨੇ 6,400 ਤੋਂ ਵੱਧ ਉਡਾਣਾਂ ਰੱਦ ਕੀਤੀਆਂ ਸਨ ਅਤੇ 8,000 ਤੋਂ ਵੱਧ ਲੇਟ ਹੋਈਆਂ ਸਨ। ਐਤਵਾਰ ਨੂੰ ਜੈੱਟਬਲੂ ਦੀਆਂ 28 ਫ਼ੀਸਦੀ ਅਤੇ ਅਮਰੀਕਨ ਏਅਰਲਾਈਨਜ਼ ਦੀਆਂ 17 ਫ਼ੀਸਦੀ ਉਡਾਣਾਂ ਰੱਦ ਹੋਈਆਂ, ਜਦਕਿ ਯੂਨਾਈਟਿਡ, ਸਾਊਥਵੈਸਟ ਅਤੇ ਡੈਲਟਾ ਏਅਰਲਾਈਨਜ਼ ਦੀਆਂ 3 ਤੋਂ 5 ਫ਼ੀਸਦੀ ਉਡਾਣਾਂ ਰੱਦ ਰਹੀਆਂ। ਵਾਜਾਈ ਮੰਤਰੀ ਡਫੀ ਨੇ ਏ.ਬੀ.ਸੀ. ਦੇ ਪ੍ਰੋਗਰਾਮ ‘ਦਿਸ ਵੀਕ’ ਵਿੱਚ ਕਿਹਾ ਕਿ ਇਸ ਮਾਮਲੇ ਵਿੱਚ ਸਾਈਬਰ ਹਮਲੇ ਜਾਂ ਕਿਸੇ ਮਾੜੀ ਨੀਅਤ ਦਾ ਕੋਈ ਸਬੂਤ ਨਹੀਂ ਮਿਲਿਆ ਹੈ, ਪਰ ਅਸਲ ਕਾਰਨ ਅਜੇ ਸਪੱਸ਼ਟ ਨਹੀਂ ਹੋ ਸਕਿਆ। ਜ਼ਿਕਰਯੋਗ ਹੈ ਕਿ ਫੈਡਰਲ ਐਵੀਏਸ਼ਨ ਐਡਮਿਨਿਸਟ੍ਰੇਸ਼ਨ ਨੇ ਸ਼ੁੱਕਰਵਾਰ ਨੂੰ ਦੇਸ਼ ਵਿਆਪੀ 'ਗਰਾਊਂਡ ਸਟਾਪ' ਜਾਰੀ ਕਰਦਿਆਂ ਕਰੀਬ ਪੰਜ ਘੰਟਿਆਂ ਲਈ ਲਗਪਗ ਸਾਰੀਆਂ ਉਡਾਣਾਂ ਰੋਕ ਦਿੱਤੀਆਂ ਸਨ। 11 ਸਤੰਬਰ, 2001 ਦੇ ਅਲ-ਕਾਇਦਾ ਹਮਲਿਆਂ ਤੋਂ ਬਾਅਦ ਅਮਰੀਕੀ ਹਵਾਈ ਸਫ਼ਰ ’ਤੇ ਇਹ ਸਭ ਤੋਂ ਲੰਬੀ ਦੇਸ਼ ਵਿਆਪੀ ਰੋਕ ਸੀ। ਧਿਕਾਰੀਆਂ ਮੁਤਾਬਕ ਐੱਫ.ਏ.ਏ. ਦੇ ਠੇਕੇਦਾਰ ਐੱਲ3ਹੈਰਿਸ ਵੱਲੋਂ ਅਰਕਾਨਸਾਸ ਦੇ ਐੱਲ ਡੋਰਾਡੋ ਸਥਿਤ ਕੇਂਦਰ ’ਤੇ ਇੱਕ ਨਵਾਂ ਰਾਊਟਰ ਲਗਾਉਣ ਮਗਰੋਂ ਟੈਕਸਾਸ ਦੇ ਅਮਾਰਿਲੋ ਸਥਿਤ ਹਾਲ ਹੀ ਵਿੱਚ ਬਦਲੇ ਗਏ ਰਾਊਟਰ ਵਿੱਚ ਤਕਨੀਕੀ ਸਮੱਸਿਆ ਆ ਗਈ। ਇਸ ਕਾਰਨ ਦੇਸ਼ ਭਰ ਦੇ ਹੋਰ ਹਵਾਈ ਆਵਾਜਾਈ ਕੰਟਰੋਲ ਕੇਂਦਰਾਂ ’ਤੇ ਡੇਟਾ ਦਾ ਭਾਰੀ ਬੋਝ ਪੈ ਗਿਆ ਅਤੇ ਸੰਚਾਰ ਪ੍ਰਣਾਲੀ ਪ੍ਰਭਾਵਿਤ ਹੋਈ। ਐੱਫ.ਏ.ਏ. ਨੇ ਐਤਵਾਰ ਨੂੰ ਦੱਸਿਆ ਕਿ ਸਬੰਧਤ ਰਾਊਟਰਾਂ ਦੇ ਨਾਲ-ਨਾਲ ਸਿਸਟਮ ਵਿੱਚ ਲੱਗੇ ਅਜਿਹੇ ਕਰੀਬ 60 ਹੋਰ ਰਾਊਟਰਾਂ ਦੀ ਕਾਰਜਪ੍ਰਣਾਲੀ ਨੂੰ ਬੰਦ ਕਰ ਦਿੱਤਾ ਗਿਆ ਹੈ। ਹਾਲਾਂਕਿ, ਜਾਂਚ ਨਾਲ ਜੁੜੇ ਸੂਤਰਾਂ ਦਾ ਕਹਿਣਾ ਹੈ ਕਿ ਰਾਊਟਰ ਲਗਾਉਣ ਦਾ ਕੰਮ ਸੁਚਾਰੂ ਢੰਗ ਨਾਲ ਹੋਇਆ ਸੀ ਅਤੇ ਸਮੱਸਿਆ ਸੇਵਾ ਮੁੜ ਸ਼ੁਰੂ ਕਰਨ ਤੋਂ ਕੁਝ ਸਮੇਂ ਬਾਅਦ ਪੈਦਾ ਹੋਈ। ਇਸ ਸੰਕਟ ਨੇ ਪੁਰਾਣੀ ਤਕਨੀਕ ਅਤੇ ਹਵਾਈ ਆਵਾਜਾਈ ਕੰਟਰੋਲਰਾਂ ਦੀ ਘਾਟ ਨਾਲ ਜੂਝ ਰਹੇ ਅਮਰੀਕੀ ਸਿਸਟਮ ਦੀ ਕਮਜ਼ੋਰੀ ਨੂੰ ਉਜਾਗਰ ਕਰ ਦਿੱਤਾ ਹੈ। ਡਫੀ ਨੇ ਦੱਸਿਆ ਕਿ ਜਿਨ੍ਹਾਂ ਰਾਊਟਰਾਂ ਵਿੱਚ ਖਰਾਬੀ ਆਈ, ਉਹ 2001 ਵਿੱਚ ਖਰੀਦੇ ਗਏ ਸਨ ਅਤੇ 2006 ਤੱਕ ਪੁਰਾਣੇ ਹੋ ਗਏ ਸਨ। ਉਨ੍ਹਾਂ ਨੇ ਸਿਸਟਮ ਦੇ ਆਧੁਨਿਕੀਕਰਨ ਲਈ 50 ਬਿਲੀਅਨ ਡਾਲਰ ਦੇ ਫੰਡ ਦੀ ਮੰਗ ਕੀਤੀ ਹੈ, ਜਿਸ ਦਾ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਵੀ ਸਮਰਥਨ ਕਰਦਿਆਂ ਕਾਂਗਰਸ ਨੂੰ ਫੰਡ ਮਨਜ਼ੂਰ ਕਰਨ ਦੀ ਅਪੀਲ ਕੀਤੀ ਹੈ। ਦੂਜੇ ਪਾਸੇ, ਵਿਰੋਧੀ ਡੈਮੋਕ੍ਰੇਟਿਕ ਆਗੂਆਂ ਰਿਕ ਲਾਰਸਨ ਅਤੇ ਆਂਦਰੇ ਕਾਰਸਨ ਨੇ ਇਸ ਮੰਗ ’ਤੇ ਸਵਾਲ ਉਠਾਉਂਦਿਆਂ ਕਿਹਾ ਕਿ ਪਿਛਲੇ ਸਾਲ ਮਨਜ਼ੂਰ ਕੀਤੇ ਗਏ 12.5 ਬਿਲੀਅਨ ਡਾਲਰ ਵਿੱਚੋਂ ਕਰੀਬ 11 ਬਿਲੀਅਨ ਡਾਲਰ ਅਜੇ ਅਣਵਰਤੇ ਪਏ ਹਨ। ਇਸ ਦੌਰਾਨ ਏਅਰਪੋਰਟਸ ਕੌਂਸਲ ਇੰਟਰਨੈਸ਼ਨਲ (ACI) ਦੇ ਡਾਇਰੈਕਟਰ ਜਨਰਲ ਜਸਟਿਨ ਇਰਬਾਸੀ ਨੇ ਵੀ ਵਧਦੇ ਹਵਾਈ ਟ੍ਰੈਫਿਕ ਦੇ ਮੱਦੇਨਜ਼ਰ ਸਰਕਾਰੀ ਦੇ ਨਾਲ-ਨਾਲ ਨਿੱਜੀ ਨਿਵੇਸ਼ ਵਧਾਉਣ ’ਤੇ ਜ਼ੋਰ ਦਿੱਤਾ ਹੈ।
.jpg)
.jpg)




.jpg)
.jpg)
.jpg)



.jpg)
.jpg)

.jpg)
.jpg)
