Income Tax ਨਾਲ ਜੁੜੇ ਇਹ ਨਵੇਂ ਬਦਲਾਅ , ਜਿਨ੍ਹਾਂ ਬਾਰੇ ਜਾਣਨਾ ਤੁਹਾਡੇ ਲਈ ਹੈ ਬਹੁਤ ਜ਼ਰੂਰੀ

Income Tax ਨਾਲ ਜੁੜੇ ਇਹ ਨਵੇਂ ਬਦਲਾਅ , ਜਿਨ੍ਹਾਂ ਬਾਰੇ ਜਾਣਨਾ ਤੁਹਾਡੇ ਲਈ ਹੈ ਬਹੁਤ ਜ਼ਰੂਰੀ

ਨਵੀਂ ਦਿੱਲੀ — ਕੋਰੋਨਾ ਆਫ਼ਤ ਵਿਚਕਾਰ ਹਰ ਕੋਈ ਟੈਕਸ ਜਮ੍ਹਾ ਕਰਾਉਣ ਬਾਰੇ ਚਿੰਤਤ ਹੈ। ਬਹੁਤ ਸਾਰੇ ਲੋਕ ਟੈਕਸ ਵਸੂਲੀ ਦੇ ਨਿਯਮਾਂ ਨੂੰ ਲੈ ਕੇ ਵੀ ਚਿੰਤਤ ਹਨ, ਕਿਉਂਕਿ ਸਰਕਾਰ ਨੇ ਇਕ ਵਾਰ ਫਿਰ ITR ਦਾਇਰ ਕਰਨ ਦੀ ਆਖਰੀ ਤਾਰੀਖ ਵਧਾ ਦਿੱਤੀ ਹੈ। ਆਓ ਜਾਣਦੇ ਹਾਂ ਪਿਛਲੇ ਸਮੇਂ ਵਿਚ ਆਮਦਨੀ ਟੈਕਸ ਨਾਲ ਸਬੰਧਤ ਕਿਹੜੀਆਂ ਘੋਸ਼ਣਾਵਾਂ ਕੀਤੀਆਂ ਗਈਆਂ ਹਨ ਅਤੇ ਆਮਦਨ ਟੈਕਸ ਵਿਚ ਕੀ ਤਬਦੀਲੀਆਂ ਆਈਆਂ ਸਨ। ਇਹ ਵੀ ਜਾਣਦੇ ਹਾਂ ਕਿ ਕੋਰੋਨਾ ਲਾਗ ਕਾਰਨ ਕਿਸ ਕੰਮ ਦੀ ਆਖਰੀ ਮਿਤੀ ਵਧਾਈ ਗਈ ਹੈ।
ਆਈ.ਟੀ.ਆਰ ਦਾਇਰ ਕਰਨ ਦੀ ਆਖਰੀ ਤਾਰੀਖ ਵਧਾਈ ਗਈ
ਵਿੱਤੀ ਸਾਲ 2018-19 ਲਈ ਅਸਲ(original) ਜਾਂ ਸੰਸ਼ੋਧਿਤ(revised) ਆਮਦਨ ਟੈਕਸ ਰਿਟਰਨ ਭਰਨ ਦੀ ਤਾਰੀਖ ਵਧਾ ਕੇ 31 ਜੁਲਾਈ 2020 ਤੱਕ ਕਰ ਦਿੱਤੀ ਗਈ ਹੈ। ਪਹਿਲਾਂ ਇਸ ਲਈ ਆਖਰੀ ਤਾਰੀਖ 30 ਜੂਨ ਸੀ।
2019-20 ਲਈ ਵੀ ਆਈ ਟੀ ਆਰ ਦੀ ਤਾਰੀਖ਼ ਵਧਾਈ ਗਈ 
ਵਿੱਤੀ ਸਾਲ 2019-20 ਲਈ ਟੈਕਸ ਰਿਟਰਨ ਦਾਖਲ ਕਰਨ ਦੀ ਤਰੀਕ 30 ਨਵੰਬਰ 2020 ਤੱਕ ਕਰ ਦਿੱਤੀ ਗਈ ਹੈ। ਇਸਦਾ ਅਰਥ ਹੈ ਕਿ ਰਿਟਰਨ ਜੋ 31 ਜੁਲਾਈ ਅਤੇ 31 ਅਕਤੂਬਰ 2020 ਤੱਕ ਦਾਖਲ ਕੀਤੀ ਜਾਣੀ ਸੀ, ਹੁਣ 30 ਨਵੰਬਰ ਤੱਕ ਦਾਖਲ ਕੀਤੀ ਜਾ ਸਕਦੀ ਹੈ।
ਪੈਨ-ਅਧਾਰ ਲਿੰਕ ਕਰਾਉਣ ਦੀ ਤਾਰੀਕ ਵੀ ਵਧੀ
ਪੈਨ-ਆਧਾਰ ਲਿੰਕ ਕਰਾਉਣ ਦੀ ਆਖ਼ਰੀ ਤਰੀਕ ਨੂੰ ਵੀ ਵਧਾ ਕੇ 31 ਮਾਰਚ 2021 ਕਰ ਦਿੱਤਾ ਗਿਆ ਹੈ। ਇਸ ਦੀ ਆਖਰੀ ਮਿਤੀ ਇਸ ਮਹੀਨੇ 30 ਜੂਨ ਨੂੰ ਖਤਮ ਹੋ ਰਹੀ ਸੀ। ਪੈਨ-ਅਧਾਰ ਨੂੰ ਆਖਰੀ ਤਾਰੀਖ਼ ਤੱਕ ਲਿੰਕ ਨਾ ਕਰਵਾਉਣ 'ਤੇ ਇਸ ਨੂੰ ਬੇਕਾਰ ਮੰਨਿਆ ਜਾਵੇਗਾ।
ਟੈਕਸ ਬਚਾਉਣ ਲਈ ਨਿਵੇਸ਼ ਦੀ ਤਰੀਕ ਵਧਾਈ ਗਈ
ਇਸ ਤੋਂ ਇਲਾਵਾ ਧਾਰਾ 80 ਸੀ, 80 ਡੀ ਆਦਿ ਦੇ ਤਹਿਤ ਨਿਵੇਸ਼ ਅਤੇ ਟੈਕਸ ਬਚਤ ਦੀ ਆਖਰੀ ਤਰੀਕ ਵੀ 31 ਜੁਲਾਈ ਤੱਕ ਲਈ ਵਧਾ ਦਿੱਤੀ ਗਈ ਹੈ। ਪਹਿਲਾਂ ਇਸ ਦੀ ਆਖਰੀ ਤਾਰੀਖ 30 ਜੂਨ ਸੀ।
ਫਾਰਮ-16 ਜਾਰੀ ਕਰਨ ਦੀ ਆਖਰੀ ਤਰੀਕ ਵੀ ਵਧਾਈ ਗਈ
ਆਮਦਨ ਟੈਕਸ ਵਿਭਾਗ ਵਲੋਂ ਟੀਡੀਐਸ ਦੀ ਕਟੌਤੀ ਕਰਨ ਦਾ ਸਰਟੀਫਿਕੇਟ ਯਾਨੀ ਫਾਰਮ-16 ਅਤੇ ਫਾਰਮ 16 ਏ ਜਾਰੀ ਕਰਨ ਦੀ ਆਖ਼ਰੀ ਤਾਰੀਖ ਨੂੰ ਵੀ ਵਧਾ ਕੇ 15 ਅਗਸਤ 2020 ਕਰ ਦਿੱਤਾ ਗਿਆ ਹੈ।
ਇਹ ਵੀ ਪੜ੍ਹੋ : ਬਾਬਾ ਰਾਮ ਦੇਵ ਮੁੜ ਸਵਾਲਾਂ ਦੇ ਘੇਰੇ 'ਚ, ਇਹਨਾਂ ਸੂਬਿਆਂ ਨੇ 'ਕੋਰੋਨਿਲ' 'ਤੇ ਲਾਈ ਪਾਬੰਦੀ
ਸਵੈ ਮੁਲਾਂਕਣ(Self assessment) ਟੈਕਸ ਭੁਗਤਾਨ ਦੀ ਮਿਤੀ ਵੀ ਵਧਾਈ ਗਈ
ਛੋਟੇ ਅਤੇ ਦਰਮਿਆਨੇ ਟੈਕਸਦਾਤਾਵਾਂ ਨੂੰ ਰਾਹਤ ਪ੍ਰਦਾਨ ਕਰਦੇ ਹੋਏ ਆਮਦਨ ਕਰ ਵਿਭਾਗ ਨੇ 1 ਲੱਖ ਰੁਪਏ ਤੱਕ ਦੇ ਟੈਕਸ ਵਾਲਿਆਂ ਦੇ ਸਵੈ ਮੁਲਾਂਕਣ ਟੈਕਸ ਦੀ ਅਦਾਇਗੀ ਦੀ ਆਖਰੀ ਵੀ ਵਧਾ ਦਿੱਤੀ ਹੈ। ਨਵੀਂ ਮਿਤੀ ਹੁਣ 30 ਨਵੰਬਰ 2020 ਹੈ।

super visa