ਅਮਰੀਕਾ ਚ ਮਰਨ ਵਾਲਿਆਂ ਲਈ ਘੱਟ ਪੈ ਗਏ ਕਫਨ, 1 ਲੱਖ ਬਾਡੀ ਬੈਗ ਕੀਤੇ ਆਰਡਰ

ਅਮਰੀਕਾ ਚ ਮਰਨ ਵਾਲਿਆਂ ਲਈ ਘੱਟ ਪੈ ਗਏ ਕਫਨ, 1 ਲੱਖ ਬਾਡੀ ਬੈਗ ਕੀਤੇ ਆਰਡਰ

ਵਾਸ਼ਿੰਗਟਨ - ਕੋਰੋਨਾਵਾਇਰਸ ਦੀ ਇਨਫੈਕਸ਼ਨ ਅਤੇ ਉਸ ਨਾਲ ਹੋਣ ਵਾਲੀਆਂ ਮੌਤਾਂ ਨੂੰ ਦੇਖਦੇ ਹੋਏ ਪੈਂਟਾਗਨ ਨੇ ਇਕ ਲੱਖ ਡੈੱਡ ਬਾਡੀ ਦੇ ਕਫਨ (ਬਾਡੀ ਬੈਗ) ਦਾ ਆਰਡਰ ਦਿੱਤਾ ਹੈ। ਕੁਝ ਨਿਊਜ਼ ਰਿਪੋਰਟਸ ਦੇ ਹਵਾਲੇ ਤੋਂ ਆਖਿਆ ਜਾ ਰਿਹਾ ਹੈ ਕਿ ਅਮਰੀਕਾ ਵਿਚ ਕੋਰੋਨਾਵਾਇਰਸ ਇਨਫੈਕਸ਼ਨ ਕਾਰਨ 2 ਲੱਖ ਮੌਤਾਂ ਹੋ ਸਕਦੀਆਂ ਹਨ। ਇਕ ਨਵੀਂ ਰਿਪੋਰਟ ਮੁਤਾਬਕ ਟਰੰਪ ਪ੍ਰਸ਼ਾਸਨ ਨੂੰ 3 ਸਾਲ ਪਹਿਲਾਂ ਹੀ ਕੋਰੋਨਾਵਾਇਰਸ ਨੂੰ ਲੈ ਕੇ ਚਿਤਾਵਨੀ ਦਿੱਤੀ ਗਈ ਸੀ ਪਰ ਅਮਰੀਕਾ ਨੇ ਇਸ ਨਾਲ ਲੱਡ਼ਣ ਲਈ ਕੋਈ ਤਿਆਰੀ ਨਹੀਂ ਕੀਤੀ। ਡੇਲੀ ਮੇਲ ਦੀ ਇਕ ਰਿਪੋਰਟ ਮੁਤਾਬਕ ਵੀਰਵਾਰ ਤੱਕ ਅਮਰੀਕਾ ਵਿਚ ਕੋਰੋਨਾਵਾਇਰਸ ਦੇ ਚੱਲਦੇ ਮਰਨ ਵਾਲਿਆਂ ਦੀ 5811 ਹੋ ਗਈ ਹੈ। ਅਮਰੀਕਾ ਦੇ ਕਰੀਬ 90 ਫੀਸਦੀ ਇਲਾਕੇ ਲਾਕਡਾਊਨ ਹਨ ਪਰ ਵਾਇਰਸ ਫੈਲਦਾ ਹੀ ਜਾ ਰਿਹਾ ਹੈ।
ਨਿਊਯਾਰਕ ਵਿਚ ਘੱਟ ਪੈ ਗਈ ਲਾਸ਼ਾਂ ਰੱਖਣ ਦੀ ਥਾਂ
ਅਮਰੀਕਾ ਵਿਚ ਕੋਰੋਨਾਵਾਇਰਸ ਕਾਰਨ ਹੁਣ ਤੱਕ 2,40,660 ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਅਮਰੀਕੀ ਸਰਕਾਰ ਨੇ ਆਪਣੇ ਸਟਾਕ ਤੋਂ ਡੈੱਡ ਬਾਡੀ ਲਈ 50 ਹਜ਼ਾਰ ਕਫਨ ਦਾ ਇੰਤਜ਼ਾਮ ਕਰ ਲਿਆ ਹੈ। ਪਰ ਵਾਇਰਸ ਕਾਰਨ ਮਰਨ ਵਾਲਿਆਂ ਦਾ ਅੰਕਡ਼ਾ ਦੇਖਦੇ ਹੋਏ ਇਸ ਤੋਂ 3 ਗੁਣਾ ਜ਼ਿਆਦਾ ਡੈੱਡ ਬਾਡੀ ਲਈ ਕਫਨ ਦਾ ਇੰਤਜ਼ਾਮ ਕੀਤਾ ਜਾ ਰਿਹਾ ਹੈ। ਕੈਲੀਫੋਰਨੀਆ ਅਤੇ ਨਿਊਯਾਰਕ ਜਿਹੇ ਰਾਜਾਂ ਵਿਚ ਲਾਸ਼ਾਂ ਨੂੰ ਰੱਖਣ ਲਈ ਥਾਂ ਤੱਕ ਘੱਟ ਪੈ ਗਈ ਹੈ।
ਮੰਗਲਵਾਰ ਨੂੰ ਨਿਊਯਾਰਕ ਵਿਚ ਬਰੂਕਲਿਨ ਦੇ ਇਕ ਹਸਪਤਾਲ ਦੇ ਬਾਹਰ ਇਕ ਰੈਫ੍ਰੀਜ਼ੈਰੇਟੇਡ ਟਰੱਕ ਖਡ਼੍ਹਾ ਕੀਤਾ ਗਿਆ ਸੀ। ਹਸਪਤਾਲ ਵਿਚ ਕੋਰੋਨਾਵਾਇਰਸ ਕਾਰਨ ਲਾਸ਼ਾਂ ਨੂੰ ਟਰੱਕ ਵਿਚ ਭਰਿਆ ਜਾ ਰਿਹਾ ਸੀ। ਨਿਊਯਾਰਕ ਵਿਚ ਕੋਰੋਨਾਵਾਇਰਸ ਕਾਰਨ 2000 ਤੋਂ ਜ਼ਿਆਦਾ ਮੌਤਾਂ ਹੋਈਆਂ ਹਨ। ਇਥੇ ਵਾਇਰਸ ਦੇ 92,381 ਮਾਮਲੇ ਸਾਹਮਣੇ ਆਏ ਹਨ। ਹਸਪਤਾਲ ਕੋਲ ਡੈੱਡ ਬਾਡੀ ਲਈ ਬਾਡੀ ਬੈਗ ਘੱਟ ਪੈ ਗਏ ਹਨ। ਡੈੱਡ ਬਾਡੀ ਨੂੰ ਬੈੱਡ ਸ਼ੀਟ ਵਿਚ ਲਪੇਟ ਕੇ ਕੰਮ ਚਲਾਇਆ ਜਾ ਰਿਹਾ ਹੈ।
ਫੇਮਾ ਕਰ ਰਹੀ ਹੈ ਡੈੱਡ ਬਾਡੀ ਲਈ ਬਾਡੀ ਬੈਗ ਦਾ ਇੰਤਜ਼ਾਮ
ਫੈਡਰਲ ਐਮਰਜੰਸੀ ਮੈਨੇਜਮੈਂਟ ਏਜੰਸੀ ਡੈੱਡ ਬਾਡੀ ਲਈ ਬਾਡੀ ਬੈਗ ਦਾ ਇੰਤਜ਼ਾਮ ਕਰ ਰਹੀ ਹੈ ਪਰ ਉਨ੍ਹਾਂ ਨੂੰ ਵੀ ਨਹੀਂ ਪਤਾ ਹੈ ਕਿ ਬਾਡੀ ਬੈਗ ਕਦੋਂ ਤੱਕ ਮਿਲ ਪਾਉਣਗੇ। ਅਮਰੀਕਾ ਵਿਚ ਲਾਸ਼ਾਂ ਨੂੰ ਹਰੇ ਰੰਗ ਦੇ ਨਾਇਲੋਨ ਦੇ ਬਾਡੀ ਬੈਗ ਵਿਚ ਰੱਖਿਆ ਜਾਂਦਾ ਹੈ। ਅਕਸਰ ਇਸ ਦਾ ਇਸਤੇਮਾਲ ਵਾਰ ਜ਼ੋਨ ਵਿਚ ਕੀਤਾ ਜਾਂਦਾ ਹੈ। ਇਹ ਬਾਡੀ ਬੈਗ 7.8 ਫੁੱਟ ਲੰਬਾ ਅਤੇ 3.2 ਫੁੱਟ ਚੌਡ਼ਾ ਹੁੰਦਾ ਹੈ।
ਡੇਲੀ ਮੇਲੀ ਨੇ ਆਪਣੇ ਇਕ ਸੂਤਰ ਦੇ ਹਵਾਲੇ ਤੋਂ ਆਖਿਆ ਕਿ ਬਾਡੀ ਬੈਗ ਦਾ ਆਰਡਰ ਨਹੀਂ ਕੀਤਾ ਗਿਆ ਬਲਕਿ ਡਿਫੈਂਸ ਲਾਜ਼ੀਸਟਿਕਸ ਏਜੰਸੀ ਟਰੂਪ ਸਪੋਰਟ ਯੂਨਿਟ ਨੂੰ ਆਪਣੇ ਸਟਾਕ ਤੋਂ ਬਾਡੀ ਬੈਗ ਭੇਜਣ ਦੀ ਪ੍ਰਾਥਨਾ ਕੀਤੀ ਗਈ ਹੈ। ਅਮਰੀਕਾ ਸਾਹਮਣੇ ਸਭ ਤੋਂ ਮੁਸ਼ਿਕਲ ਵੇਲਾ ਆ ਗਿਆ ਹੈ। ਅਮਰੀਕਾ ਵਿਚ ਕੋਰੋਨਾਵਾਇਰਸ ਦੇ ਚੱਲਦੇ 2 ਲੱਖ ਮੌਤਾਂ ਦਾ ਸ਼ੱਕ ਜਤਾਉਣ ਤੋਂ ਬਾਅਦ ਰਾਸ਼ਟਰਪਤੀ ਟਰੰਪ ਨੇ ਦੇਸ਼ ਨੂੰ ਮੁਸ਼ਕਿਲ ਘਡ਼ੀ ਲਈ ਤਿਆਰ ਰਹਿਣ ਨੂੰ ਆਖਿਆ ਹੈ। ਮੰਗਲਵਾਰ ਨੂੰ ਇਕ ਪ੍ਰੈਸ ਬ੍ਰੀਫਿੰਗ ਦੌਰਾਨ ਟਰੰਪ ਨੇ ਆਖਿਆ ਕਿ ਅਗਲੇ 2 ਹਫਤੇ ਕਾਫੀ ਦਰਦਨਾਕ ਰਹਿਣ ਵਾਲੇ ਹਨ। ਟਰੰਪ ਨੇ ਆਖਿਆ ਕਿ ਸਾਡੀ ਤਾਕਤ ਅਤੇ ਸਬਰ ਦੀ ਪ੍ਰੀਖਿਆ ਹੋਵੇਗੀ।

super visa